Ogaden Online: The official homepage of Ogaden on the Internet

Magaalada Nairobi ee wadanka Kenya waxaa ku nool qoxooti  Oroma ah oo ka soo  qaxay dhibaatooyinka Gumaysiga Quumiyada Tigreega  ay ku hayso Quumiyada kale. Hadaba  Jaaliyada Oromada ayaa todobaadkan waxay xusayeen Maalintii la aas aasay Ciidanka Xoreynta Oromia.  Xaflada oo ay Jaaliyada Oromadu si wayn u soo agaagsimeen ayaa dhamaan dadkii ka soo qayb galay waxa ka muuqday faraxada iyo damaashaad iyo isu maraxbayn maalintan faraxad u leh Shacabka Oromiya. Jaaliyada Afrikada Bari ee Ogaadeeniya ayaa marti sharaf u ahayd Jaliyada Oromada, waxaaan si diiran loogu soo dhaweeyey Hoolka Shirka iyagoo ay mas uuliyiinta jaaliyada Oromia ku dhawaaqayeen hal ku dhagayo ay ka mid ahaayeen "Ogaaadeeniya waxaa iska leh dadka Reer Ogadeeniya, Oromia waxaa is ka  leh  dadka Oromiya".  Soo dhawayntaas kadib waxaa la gudo galay furtaankii xaflada oo ay mas uuliyiinta Jaaliyada Oromiya ka soo jeediyeen taas oo ay inta badan kaga hadlayeen muhiimada ay maalintan u leedahay dadka Oromiya iyo si loogu baahanay midnimada  in la xoojiyo.
 
Waxaa kaloo ay ka hadleen in ay muhiimada wayn u leedahay  labada Shacab ee gumaysiga lagu hayo ee Ogaadeeniya iyo Oromiya. Wxaan madasha shrika si wayn looga arkayey muuqaalo muujinya  sida ay labada Shacab ooga go antahay midnimada quumiyadaha walaalahaa ah in la xoojiyo.
 
Mas'uuliiyinta Jaaliyada Afrikada bari ee Ogaadeeniya ayaa gaadhsiiyey Maamulka Jaaliyada Oromiya qoraalka ka hadalyey Midnimada labada qoomiyadood, qoraalkaas oo dhiirigalinyaa halganka ay ku  doonyaa aayo katashigooda. Sidoo kale qoeraalku wuxuu ku baaqay in ay ka digtoonaadaa marin habaaninta iyo shirqoolada uu Guumaysigu ku hayo Shacabka Oromiya, wax uuna qoraalku xusay dagaaldii ka dhacay dabayaaqadii sanadkii 2009 deegaanka Salaxaad. Dagaalkaas oo khasaaro naf iyo maalba ah soo kala gaarsiiyey labada shacab. Dagaaladan oo soo noqoda aya waxaa sabab u ah  Guumaysiga Itoobiya oo doonya in uu dhimo awooda iyo isku duubnida labada shacab.

Intaas kadib waxaa Bilawday Ciyaaro kala duwan oo ay ku muujinayeen dhaqanka Oromiya iyo Ogaadeeniya iyadoo ay dhalinyarad Ogaadeeniya ku muujiyeen Ciyaaro ka turjumayey ku dhaganaashaha dhaqan kooda wanaagsan iyadoo sidoo kalena dhalinyarda Oromiya ay ku soo bandhigeen Ciyaaraha hidaha iyo dhaqanka ay u leeyihiin,
 
Xaflada ayaa ku dhamaatay guul iyo is afrgarad waxayna dhalinyardii iyo maamulkii Jaaliyada Oromiya ay ka codsadeen Mas'uuliyiinta Jaaliyada Ogaadeeniya ee Afrikada Bari in mMunaabadaha noocan oo kale ay wada  jir u soo bandhigaan.