|
Dagaallo lagu jabiyay ciidammada gumaysiga
Toddobaadyadii ina dhaafay dagaallo badan oo
dhex-maray CWXO iyo kuwa gumaysiga Itoobiya,
kuwaasoo ka dhacay meelo kala duwan oo
Ogaadeenya ka mid ah, waxaa ciidammada
gumaysiga lagaga dilay ugu yaraan 91 askari,
waxaa sidoo kale lagaga dhaawacay 107 askari.
Waxaa kaloo ciidammada gumaysiga
dagaalladaas lagaga furtay hub kala duwan,
sidaas waxaa noo soo shaagay wariyaha nooga
soo warrama dalka Ogaadeenya.
Dagaalladaasina waxay u dhaceen sidatan;
08/05/08 Bashuuro, oo Fiiq ka tirsan, waxaa
lagu weeraray ciidammo gumaysigu leeyahay oo
halkaas hawlgal u joogay, waxaa weerarkaas
lagaga dilay 3 askari, 7 kalana waa lagaga
dhaawacay. Waxaa sidoo kale lagaga furtay
hub iyo saanad kale oo millatari.
07/05/08 dagaal ka dhacay Miir-danbas, oo
Caado u dhaw, waxaa ciidammada gumayisga
lagaga dilay 2 askari, 4 kalana waa lagaga
dhaawacay.
03/05/08 dagaal ka dhacay Cawl-ku-dhal, oo
ka tirsan degmada Dhagaxbuur, waxaa
ciidammada gumatysiga lagaga dilay 4 askari,
2 kalana waa lagaga dhaawacay.
02 iyo 03/05/08 weerarro gaadmo ah oo lagu
qaaday ciidammo gumaysigu leeyahay oo
hawlgal u joogay Samu, oo ka tirsan degmada
Dannood, waxaa gumaysiga lagaga dilay 8
askari, 7 kalana waa lagaga dhaawacay.
Isla 02/05/08 dagaal ak dhacay duleeska
Garasley, oo ka tirsan degmada Dhuxun, waxaa
ciidammada gumaysiga lagaga dilay 4 askari,
3 kalana waa lagaga dhaawacay.
02/05/08 dagaal adag oo ka dhacay duleedka
Dudumo-cad, oo ka tirsan degmada Fiiq, waxaa
ciidammada caga-jiidka ah ee gumaysiga
lagaga dilay 12 askari, 15 kalana waa lagaga
dhaawacay.
28/04/08 cutubyo ka tirsan CWXO ayaa
weerarro la isku beegay oo mir ah ku qaaday
seddex xero oo ciidammada gumaysigu ku
leeyihiin magaalada Fiiq, waxaana inta la
ogyahay weerarradaas cadowga lagaga dilay 45
askari, waxaa sidoo kale lagaga dhaawacay in
ka badan 50 askari. Weerarradan ayaa ahaa
kuwo si fiican loo qorsheeyay, waxaana la
gubay qaybo ka mid ah xeryihii la weeraray.
21/04/08 Gidhibka, oo Godey ka tirsan,
dagaal ka dhacay waxaa ciidammada gumaysiga
lagaga dilay 2 askari, 7 kalana waa lagaga
dhaawacay.
15/04/08 dagaa isaguna ka dhacay duleedka
Laas-dhankayrre, waxaa ciidammada gumaysiga
lagaga dilay 7 askari, 9 kalana waa lagaga
dhaawacay.
Waxyeellooyin gumaysigu u gaystay
dadwaynaha
Ciidammada nacabka ah ee gumaysiga Itoobiya
ayaa waxyeellooyin kala duwan u gaystay
dadwayne rayad ah oo ku sugan meelo kala
duwan oo Ogaadeenya ka mid ah.
05/05/08 Xero-safar, oo ka tirsan degmada
Dhuxun, waxay ciidammada gumaysigu ku
xidhxidheen dadka kala ah;
1- Faalug C/raxmaan iyo
2- Deeq Axmed Taajir
Isla 05/05/08 waxay ciidammada gumaysigu
magaalada Dannood ku xidhxidheen dad badan
oo shacab ah, waxaana magacyadooda helnay
dadka kala ah;
1- Axmed Daa’uud Xaashi
2- Xasan-raage Saahid
3- Sh C/llaahi Saahid
4- Dhabbar Saahid iyo
5- Xasan C/llaahi Aaden
30/04/08 Gudhis waxay ciidammada gumaysigu
ku xidhxidheen dadka kala ah;
1- Sahra Gaboobe
2- Sacda Bashiir Aaden
3- Buux Cakuulle Axmed
4- Axmed Nuur Cabdixayi iyo
5- C/llaahi Xukun Amiir
29/04/08 magaalada Garbo waxay ciidammada
gumaysigu ku xidhxidheen gabdhaha kala ah;
1- Ruqiya C/qaadir Qalinle iyo
2- Hinda Nadiir
28/04/08 magaalada Iimey waxay ciidammada
gumaysigu ku xidheen ninka lagu magacaabo
Cabdi Xuseen Qorof.
27/04/08 waxay ciidammada gumaysigu
magaalada Dhagaxbuur ku xidhxidheen labo
gabdhood oo lagu kala magacaabo;
1- Xabsa Aw Muuse
2- Caasha Amal Cumar
Ciidammada Itoobiya oo lagu eedeeyay
xadgudbyada ay ka wadaan Soomaaliya
Ururka xuquuqda aadanaha u dooda ee Amnesty
International ayaa si kulul u eedeeyay
xadgudubyada naxariis darrada ah ee
ciidammada gumaysiga Itoobiya ka wadaan
dalka Soomaaliya.
Ururka Amnesty International warbixin uu
toddobaadkan soo saaray ayuu ku sheegay in
dadka soomaaliyeed loo gaysto dil, kufsi,
jidhdil, isla markaana hantida la booboo oo
xaafado dhan la burburiyay guud ahaantoodba.
Dad uu waraystay ururka Amnesty
International oo ku sugan magaalada Muqdisho
ayaa sheegay inay dadka si ba’an loo xasuuqo,
iyadoo ragga Xiniinyaha laga gooyo intaan la
dilin, dumarkana la kufsado. Xadgudubyadan
ayaa lagu eedeeyay ciidammada gumaysiga
Itoobiya ee haysta dalka Soomaaliya iyo
malleeshiyooyinka dowlaga ku meelgaadhka ah
ee la hawlgala ciidammada Itoobiya.
Ururrada Bulshada ee ka hawlgala magaalada
Muqdisho ayaa sheegay in warbixinta Amnesty
International ay wax yar ka tilmaantay
dhibaatooyinka ay ciidammada Itoobiya ka
gaystaan dalka Soomaaliya, iyagoo intaas
raaciyay inay adag tahay in xadgdubyadaas la
wada-ogaado, maadaama oo ururrada xuquuqul
insaanka laga mamnuucay dalka Soomaaliya,
ururrada samafalkuna ayna si fiican uga
hawlgalin.
Ciidammada Itoobiya ayaa sida caadada u
ahayd waxay cagta mariyeen dadwaynaha
rayadka ah ee Soomaaliya, ka dib markii ku
guul darraysteen inay iska caabiyaan
xoogagga soomaaliyeed ee la dagaallamaya,
kuwaasoo beryahan denbe guulo la taaban karo
ka soo hoyiyay ciidammada gumaysiga, isla
markaana ka qabsaday magaalooyin badan oo ay
horay u haysteen.
Eritereya oo beenisay eed-sheegashada
Jabuuti
Dowlada Eritereya ayaa beenisay
eed-shaagasho kaga timid dhinaca Jabuuti oo
ku saabsan in ciidammada Eritereya ay galeen
qaybo ka mid ah dalka Jabuuti.
Dowlada Jabuuti ayaa horraantii toddobaadkan
waxay warqad cabasho ah u qortay Golaha
Ammaanka ee Qaramada Midoobay, kaasoo ay ka
codsatay inuu soo kala dhex-galo iyada
Eritereya oo isku khilaafsan tuulo xadka ku
taalla oo lagu magacaabo Doumeira.
Dowlada Jabuuti ayaa cabashadeeda ku
sheegtay in Eritereya ay maab cusub samaysay,
kaasoo ay ku muujinayso in tuulada Doumeira
ay ka mid tahay dhulka Eritereya.
Danjiraha Eritereya ee Midowga Yurub ayaa
sheegay inaanuu warqadaas waxba kala soconin,
isla markaana ay dowlada Eritereya aad ula
fajacday eed-sheegashada Jabuuti. Wuxuu kalo
intaas raaciyay in dalka Eritereya aanuu wax
dhibaato ah la wadaagin Jabuuti, waligiina
aanuu dhibaato u gaysanin.
10 May 2008
Axmed Gaal-Eri
Radioxorio@radioxoriyo.com
Raadioxoriyo@yahoo.com
Radio Xoriyo waxaad ka dhegaysan kartaa
Mawjadda 41 MB ee dhererkeedu yahay 9445
KHZ, iyo internetka http://Radioxoriyo.com
iyo http://Ogaden.com Maalinta Talaadada ah
7:00PM - 8:00PM waqtiga Afrikada Bari |
