• Dagaallo badan oo oo lagu jabiyay ciidammada gumayisga

• Kanaalka Aljazeera oo billaabay barnaamijyo Ogaadeenya ku saabsan

• Abaaraha ka taagan Ogadenya iyo xaalada guud oo aan ka waraysanay gudoomiyaha Hogaanka arimaha gudaha iyo Amniga ee jwxo.

• Wafti uu hogaaminayo gudoomiyaha ururka OSF-Uk oo booqasho gaabay ku yimid Denmark

Dagaallo badan oo oo lagu jabiyay ciidammada gumayisga

CWXO ayaa muddo labo toddobaad gudohood ah ka dilay ciidammada gumaysiga Itoobiya ugu yaraan 154 askari, ka dib markii dagaallo qalqallafsani ku dhex-mareen meelo kala duwan oo Ogaadeenya ka mid ah, waxay sidoo kale ka dhaawaceen in ka badan 84 askari. Ciidammada gumaysiga waxaa kaloo laga gubay hal baabuur oo Uuraal ah, waxaana laga furtay hub kala duwan, sidaas waxaa noo soo sheegay wariyaha Ogaadeenya nooga soo warrama. Dagaalladaasi waxay u dheceen sidatan;

10/04/08 dagaal ka dhacay Cadaley, oo Qabridaharre ka tirsan, waxaa ciidammada gumaysiga lagaga dilay 1 askari, 2 kalana waa lagaga dhaawacay.

09/04/08 Ciidadow. Oo degmada Sagag ka tirsan, waxaa ciidammada gumaysiga lagaga gubay hal baabuur oo Uuraal, waxaana baabuurkaas ku dhintay in ka badan 50 askari oo ciidammada gumaysiga ka mid ah. Waxaa sidoo kale ku baaba’ay hubkii ay ciidammadaasi wateen oo dhan.

Isla 09/04/08 Cali San-cad, oo Dhuxun ka tirsan, dagaal ka dhacay waxaa ciidammada gumaysiga lagaga dilay 6 askari, 4 kalana waa lagaga dhaawacay.

08/04/08 dagaal ka dhacay Cawa-keen, oo Dhagaxbuur ka tirsan, waxaa ciidammada gumaysiga lagaga dilay 3 askari, 5 kalana waa lagaga dhaawacay.

06/04/08 Tuur-xanan, oo Sagag ka tirsan, dagaal ka dhacay waxaa ciidammada gumaysiga lagaga dilay 8 askari, 12 kalana waa lagaga dhaawacay.

05/04/08 Qarjajabo, oo Dhuxun ka tirsan, dagaal ka dhacay waxaa ciidammada gumaysiga lagaga dilay 11 askari, 7 kalana waa lagaga dhaawacay.

Isla 05/04/08 Qoofal, oo Sagag ka tirsan, dagaal ka dhacay waxaa ciidammada gumaysiga lagaga dilay 2 askari, 3 kalana waa lagaga dhaawacay.

Sidoo kale 05/04/08 laba dagaal oo ka kala dhacay Qalloocan iyo Sanka-dhane, oo duleedka Birqod ku yaalla, waxaa ciidammada gumaysiga lagaga dilay 5 askari, 7 kalana waa lagaga dhaawacay.

Isla 05/04/08 Banka-qodax, oo Garbo ka tirsan, dagaal ka dhacay waxaa ciidammada gumaysiga lagaga dilay 7 askari, 4 kalana waa lagaga dhaawacay.

04/04/08 dagaal ka dhacay Dal-la-helay, oo Sagag ka tirsan, waxaa ciidammada gumaysiga lagaga dilay 5 askari, 3 kalana waa lagaga dhaawacay.

Isla 04/04/08 Higlaale-biir, oo degmada Dhanaan ka tirsan, dagaal ka dhacay waxaa ciidammada gumaysiga lagaga dilay 1 askari, 1 kalana waa lagaga dhaawacay.

03/04/08 dagaal ka dhacay meesha lagu magacaabo Mindhicir, oo Dhagaxbuur dusheeda ah, waxaa ciidammada gumaysiga lagaga dilay 2 askari, 3 kalana waa lagaga dhaawacay.

Isla 03/04/08 dagaal isaguna ka dhacay Hodan-wayne, oo ka tirsan degmada Fiiq, waxaa ciidammada gumaysiga lagaga dilay 4 askari, 3 kalana waa lagaga dhaawacay.

02/04/08 Dhanqa, oo Fiiq ka tirsan, dagaal ka dhacay waxaa ciidammada gumaysiga lagaga dilay 5 askari, 7 kalana waa lagaga dhaawacay.

Isla 02/04/08 Xero-dago, oo Dhuxun ka tirsan, dagaal ka dhacay waxaa ciidammada gumaysiga lagaga dilay 2 askari, 2 kalana waa lagaga dhaawacay.

Sidoo kale 02/04/08 dagaal ka dhacay Qorraxda, oo ka tirsan degmada Godey, una dhaw Laab, waxaa ciidammada gumaysiga lagaga dilay 1 askari.

Sidoo kale 02/04/08 dagaal isaguna ka dhacay Waab, oo Qabridaharre ka tirsan, waxaa ciidammada gumaysiga lagaga dilay 2 askari, 2 kalana waa lagaga dhaawacay.

02/04/08 cutub ka tirsan CWXO ayaa weerar mir ah ku qaaday ciidammada gumaysiga eek u sugan Haar-cad, waxayna gaadhsiiyeen khasaare aan faahfaahintiisa la haynin.

31/03/08 dagaal ka dhacay Walwaal, oo degmada Wardheer ka tirsan, waxaa ciidammada gumaysiga lagaga dilay 2 askari, 1 kalana waa lagaga dhaawacay.

29/03/08 weerar mir ah oo ciidammada gumaysiga loogu gaystay Garoonka Dayuuradaha ee magaalada Dhagaxbuur, waxaa lagaga dilay 9 askari, 5 kalana waa lagaga dhaawacay inta la ogyahay.

Isla 29/03/08 dagaal isaguna ka dhacay Dhala-cad, oo Dhagaxbuur ka tirsan, waxaa ciidammada gumaysiga lagaga dilay 8 askari, 3 kalana waa lagaga dhaawacay.

19/03/08 Gol-gumar, oo Dhuxun ka tirsan, dagaal ka dhacay waxaa ciidammada gumaysiga lagaga dilay 2 askari, 1 kalana waa lagaga dhaawacay.

Kanaalka Aljazeera oo billaabay barnaamijyo Ogaadeenya ku saabsan

Kanaalka Aljazeera, qaybtiisa afcarabiga ah, ayaa khamiistii laga billaabay barnaamijyo ku saabsan dalka Ogaadeenya. Kanaalka Aljazeera, oo ka mid ah kanaallada adduunka ugu caansan ee dadka ugu badani ay fiirsadaan, ayaa dhawaan suxufiyiin u dirsaday dalka Ogaadeenya, kuwaasoo ku soo wareegay dalka Ogaadeenya qaybo ka mid ah iyagoo ay CWXO hagayaan.

Qabybtii ugu horraysay ee barnaamijyadaas, oo socon doono ilaa iyo arbacada soo socota, waxaa lagu soo qaatay doorka ay haweenka reer Ogaadeenya kaga jiraan nolosha adagee bulshada Ogaadeenya ku nooshahay, iyagoo isku wada doorkii hooyanimo iyo doorka hormuudka ah ee ay kaga jiraan halganka hubaysan ee lagaga soo horjeedo gumaysiga Itoobiya.

Barnaamijyadan ayaa maalin walba lagu soo celceliyaa dhawr mar, si ay uga bogtaan daawadaayaasha kanaalkaas oo malaayiin gaadhaya, isla markaana ku kala baahsan dunida dacalladeeda oo dhan.

Waa markii ugu horraysay ee tilifishin madaxbannaan oo caalami ah uu fursad u helo inuu dalka Ogaadeenya galo oo barnaamijyo ka sameeyo, waxaana la filayaa in barnaamijyadani ay wax badan ka baddalaan qadiyada Ogaadeenya iyo sida uu caalamku ula socdo, waxaana hawshan qarada-wayn Aljazeera u sahlay ciidammada geesiyiinta ah ee xoraynta Ogaadeenya oo si cad ugu awood sheegtay ciidammadii gumaysiga ee isku dayay inay carqaladeeyaan.




12 April 2008
Axmed Gaal-Eri

Radio Xoriyo waxaad ka dhegaysan kartaa Mawjadda 41 MB ee dhererkeedu yahay 9445 KHZ, iyo internetka http://Radioxoriyo.com iyo http://Ogaden.com Maalinta Talaadada ah 7:00PM - 8:00PM waqtiga Afrikada Bari