|
Dagaallo lagu jabiyay ciidammada gumaysiga
Itoobiya
In ka yar labo toddobaad gudohood waxaa
ciidammada gumaysiga laga dilay in ka badan
150 askari, ka dib dagaallo badan oo
muddadaas dhexdeeda dhex-maray iyaga iyo
CWXO, waxaa sidoo kale lagaga dhaawacay inta
la ogyahay 34 askari. Waxaa ciidammada
gumaysiga muddadaas dehxdeeda laga gubay
labo baabuur oo Uuraal ah, sidaas waxaa noo
soo tabiyay wariyaha RX uga soo warrama
dalka Ogaadeenya. Dagaalladaasi waxay u
dhaceen sidatan;
30/03/08 Jiir-guduud, oo Dhagaxbuur dusheeda
ah, dagaal ka dhacay waxaa ciidammada
nacabka ah ee gumaysiga Itoobiya lagaga
dilay 2 askari, 1 kalana waa lagaga
dhaawacay.
Isla 30/03/08 dagaal ka dhacay Ananu waxaa
ciidammada gumaysiga lagaga dilay 5 askari,
4 kalana waa lagaga dhaawacay.
21/03/08 dagaal ak dhacay duleedka magaalada
Xamaro waxaa ciidammada gumaysiga lagaga
dilay 6 askari, 4 kalana waa lagaga
dhaawacay.
29/03/08 dagaal ka dhacay Dig waxaa
ciidammada gumaysiga lagaga dilay 5 askari,
4 kalana waa lagaga dhaawacay.
28 iyo 29/03/08 weerarro gaadmo ah oo
ciidammo gumaysigu leeyahay loogu gaystay
Cawl-ku-dhal waxaa lagaga dilay 3 askari, 5
kalana waa lagaga dhaawacay.
27/03/08 Gurraati, oo Dig u dhaw, dagaal ka
dhacay waxaa ciidammada gumaysiga lagaga
dilay 6 askari, 3 kalana waa lagaga
dhaawacay.
Isla 27/03/08 waxaa labo mar oo kala duwan
weeraro lagu qaaday ciidammada gumaysiga ee
Dig ku sugan, waxaana isu gayn laga dilay 5
askari, 6 kalana waa laga dhaawacay.
25/03/08 Jidhacle, oo degmada Fiiq ka tirsan
waxaa ciidammada gumaysiga lagaga gubay labo
baabuur oo Uuraal ah, ka dib markii cutub ka
tirsan CWXO uu weerar qorshaysan ku qaaday
kolonyo baabuur ah oo ciidammada gumaysigu
wateen oo halkaas marayay. Waxaa ciidammada
gumaysiga weerarkan lagaga dilay in ka badan
100 askari oo labadaas baabuur saarnaa,
waxaa sidoo kale halkaas ku gubtay hubkii
iyo saanaddii ay askartaasi wateen.
19/03/08 labo dagaal oo ka dhacay duleedka
magaalada Xamaro waxaa ciidammada gumaysiga
lagaga dilay isu gayn 17 askari, 5 kalana
waa lagaga dhaawacay inta la ogyahay.
16 iyo 18/03/08 waxaa weerarro mir ah lagu
qaaday ciidammo gumaysigu leeyahay oo
hawlgal u tagay meesha lagu magacaabo Baarta,
kuwaasoo loo gaystay khasaare aan
faahfaahintiisa la haynin.
Sidoo kale 16/03/08 dagaal ka dhacay
Gurracan waxaa ciidammada gumaysiga lagaga
dilay 3 askari, 2 kalana waa lagaga
dhaawacay.
15/03/08 Ananu waxaa weerar mir ah loogu
gaystay ciidammo gumaysigu leeyahay oo
halkaas hawlgal u tagay, waxaana la
gaadhsiiyay khasaare aan faahfaahintiisa la
haynin.
Waxyeellooyin ciidammada gumaysigu u
gaysteen dadwaynaha.
Ciidammada nacabka ah ee gumaysiga Itooiya
ayaa waxyeellooyin kala duwan u gaystay
dadwayne rayad ah oo aan waxba galabsanin.
Waxyeellooyinkani waxay isugu jiraan dil iyo
xidhay, waxayna u dhaceen sidatan;
29/03/08 magaalada Dig waxay ciidammada
gumaysigu ku dileen nin shacab ah oo lagu
magacaabo Axmed C/qaadir Sarhaye.
28/03/08 waxay ciidammada gumaysigu
magaalada Dhagaxbuur ku xidhxidheen labo
gabdhood oo lagu kala magacaab;
1- Dulmar oo magaceeda oo buuxa aanaan halin
iyo
2- Khadra Maxamed
Dhinaca kale deegaanka Dhagaxtuur, oo
degmada Awaare ka tirsan waxaa 29/03/08
harraad ugu dhintay labo qof oo shacab ah oo
ayna noo suuragalin inaan magacyadooda helno.
01 April 2008
C/nuur Sh. Maxamed
Radioxorio@radioxoriyo.com
Raadioxoriyo@yahoo.com
Radio Xoriyo waxaad ka dhegaysan kartaa
Mawjadda 41 MB ee dhererkeedu yahay 9445
KHZ, iyo internetka http://Radioxoriyo.com
iyo http://Ogaden.com Maalinta Talaadada ah
7:00PM - 8:00PM waqtiga Afrikada Bari
|
