|
Dagaallo aad loogu jabiyay ciidammada
gumaysiga
In ka yar labo toddobaad gudohood waxaa
ciidammada gumaysiga lagaga dilay dagaallo
dhex maray iyaga iyo CWXO in ka badan 200 oo
askari, 72 askari oo kalana waa lagaga
dhaawacay. Waxaa sidoo kale ciidammada
gumaysiga muddadaas kooban gudeheeda laga
gubay 2 baabuur oo Uuraal ah, mid kalana
waxaa loo gaystay dhaawac uu hawlgab la
noqday, sidaas waxaa noo soo tabiyay
wariyaha nooga soo warrama dalka Ogaadeenya.
Dagaalladaasi waxay u dhaceen sidatan;
02/04/08 Malabley, oo Shinniile u dhaw,
dagaal ka dhacay waxaa ciidammada gumaysiga
lagaga dilay 7 askari, 4 kalana waa lagaga
dhaawacay.
01/04/08 dagaal ka dhacay Gurdumi waxaa
ciidammada gumaysiga lagaga dilay 4 askari,
7 kalana waa lagaga dhaawacay.
31/03/08 dagaal ka dhacay Baarta waxaa
ciidammada gumaysiga lagaga dilay 1 askari,
1 kalana waa lagaga dhaawacay.
30/03/08 labo dagaal oo ka dhacay meesha
lagu magacaabo Gol-libaax waxaa ciidammada
gumaysiga lagaga dilay 12 askari, 7 kalana
waa lagaga dhaawacay.
Isla 30/03/08 cutub ka tirsan CWXO ayaa
weerar mir ah ku qaaday ciidammada gumaysiga
ee ku sugan Nus-dariiqa, waxayna
gaadhsiiyeen khasaare aan faahfaahintiisa la
haynin.
29 iyo 31/03/08 dagaal ka dhacay Ananu, oo
Fiiq ka tirsan, waxaa ciidammada gumaysiga
lagaga dilay 5 askari, 6 kalana waa lagaga
dhaawacay.
Isla 29/03/08 dagaal adag oo isaguna ka
dhacay Dheenka, oo Fiiq ka tirsan, waxaa
ciidammada gumaysiga lagaga dilay 23 askari,
17 kalana waa lagaga dhaawacay.
28/03/08 waxaa weerar mir ah lagu qaaday
ciidammada gumaysiga ee fadhigoodu yahay
magaalada Sagag, waxaana la gaadhsiiyay
khasaare aan faahfaahintiisa la haynin.
27/03/08 cutub ka tirsan CWXO ayaa hawlgal
si fiican loo qorsheeyay ku fuliyay ciidammo
gumaysigu leeyahay oo ku sugnaa meesha lagu
magacaabo Dhabba-cilmi, oo duleedka
Qabridaharre ku taalla, waxayna ka dileen 9
askari, 11 kalana way ka dhaawaceen.
Dhabba-cilmi waxay ahayd goob ay ciidammada
gumaysigu aad ugu dhibaan dadwaynaha
magaalada ka soo daqaqama, iyagoo gabdho
badan ku dhibaateeyay, dad badana ku dhacay,
hase yeeshee intii hawlgalkan ka denbaysay
waxay dadwaynuhu ka nasteen dhibaatadii
halkaas loogu gaysan jiray.
Isla 27/03/08 waxay CWXO baabuur Uuraal
ciidammada gumaysiga kaga gubeen meesha lagu
magacaabo Sallaxa, oo ku taalla duleedka
magaalada Wardheer. Baabuurkan waxaa
ciidammada gumaysiga kaga dhimatay in ka
badan 50 askari. Waxaa sidoo kale ku bas-beelay
hubkii iyo saadkii ay ciidammadaasi wateen
oo dhan.
26/03/08 Qudhacley, oo Dhagaxbuur ka tirsan,
dagaal ka dhacay waxaa ciidammada gumaysiga
lagaga dilay 5 askari, 4 kalana waa lagaga
dhaawacay.
25/03/08 waxaa weerar qorshaysan lagu qaaday
baabuur kolonyo ah oo ciidammada gumaysigu
wateen oo maraysay meel u dhaw magaalada
Awaare, waxaana weerarkaas lagaga gubay 1
baabuur oo Uuraal ah. Mid kalana waxaa lo
gaystay dhaawac uu hawlgab la noqday.
Weerarkan waxaa ciidammada gumaysiga kaga
dhimatay inta la ogyahay 75 askari, 11
kalana way ku dhaawacmeen. Waxaa sidoo kale
labadan baabuur ku baaba’ay hub iyo saanad
kale oo ciidan.
25/03/08 dagaal ka dhacay Bukadhabo waxaa
ciidammada gumaysiga lagaga dilay 13 askari,
3 kalana waa lagaga dhaawacay inta la
ogyahay.
21/03/08 dagaal isaguna ka dhacay Xaaxi, oo
ku taalla Bukudhabo agteeda, waxaa
ciidammada gumaysiga lagaga dilay 3 askari,
1 kalana waa lagaga dhaawacay.
Waxyeello gumausigu u gaystay dadwaynaha
Ciidammada gumaysiga ayaa waxyeellooyin kala
duwan u gaystay dadwayne rayad ah oo aan
waxba galabsanin. Waxyeellooyinkan, oo isugu
jira xidhay iyo dhac, waxay u dhaceen
sidatan;
30/03/08 meesha lagu magacaabo Laas
Caada-qaato, oo Garbo ka tirsan, waxay
ciidammada gumaysigu ku xidhxidheen dadka
kala ah;
1- Ugaas C/llaahi Cabdi Salal
2- Mawliid Aaden Horor
3- Axmed Deeq iyo
4- Axmed oo magaciisa oo buuxa aanaan haynin.
28/03/08 waxay ciidammada gumaysigu
magaalada Qabridaharre ku xidheen nin shacab
ah oo lagu magacaabo Shaafici C/llaahi
Saacid.
26/03/08 Coballe, oo Dhagaxbuur ka tirsan,
waxay ciidammada gumaysigu ka qaqabteen
hadhaadigii Malleeshiyadii Dabaqoodhiga
ahayd ee ka amar-qaadan jirtay Ibraahim Xaad,
kuwaasoo 10 ka mid ah xabsiga loo taxaabay,
isla markaana laga qaatay 25 Qori.
24/03/08 Bukudhabo waxay ciidammada
gumaysigu 4000 oo Bir kaga dhaceen gabdha
lagu magacaabo Shamso Maxamed Kooshin.
05 April 2008
C/nuur Sh. Maxamed
Radioxorio@radioxoriyo.com
Raadioxoriyo@yahoo.com
Radio Xoriyo waxaad ka dhegaysan kartaa
Mawjadda 41 MB ee dhererkeedu yahay 9445
KHZ, iyo internetka http://Radioxoriyo.com
iyo http://Ogaden.com Maalinta Talaadada ah
7:00PM - 8:00PM waqtiga Afrikada Bari |
