|
|
|
|
|
Jaaliyada Ogadeniya ee Siiriya |
Kulan deg deg
ah oo ay isugu timid jaaliyadda Ogaadeeniya
ee suuriya, kaasoo looga arinsanayay
halganka ay jwxo hormuudka katahay iyo guud
ahaan xaalada wadanku ku sugan yahay hada,
kulankaas oo mudo saacado ah qaatay bayaa
waxaa looga hadlay arimo ay kamid ahaayeen
xasuuqa joogtada ah, ee ay ciidamada nacabka
itoobiya ay ku hayaan shacabka ogaadeeniya,
waxaa kale oo looga hadlay falka foosha xun
ee ay ku kaceen, maamul goboleedka puntland
taas oo ah u gacangalinta xubno katirsan
jabhadda ONLF
Cadawga umadda soomaaliyeed ee Abisiiniya.
Arintan oo dad badan fajac iyo amakaag ku
noqotay in qof Muslim, soomaali ah uu ku
dhaqaaqo falka noocaan oo kale ah, in kasta
oo hada kahor ay maamulka soomaaliland ay
rag badan u dhiibeen taliska daalan ee addis
ababa, hadaba arintan soo noqnoqotay ayaa
lagu macneeyay in Umaddii soomaaliyeed oo
dhan ay u gacan gashay cadawgeedii soo
jireenka ahaa ee itoobiya.
Tan oo qofkasta oo ku luglahaa lagu la
xisaabtami doono wakhtigeeda. Hadaba falkan
xun ee dhiibista C/nuur maxamed Sooyaan iyo
dhiire Caafi ayaan wax ka weydiiyay Abwaanka
weyn CABDI IBRAAHIM MAGAN (cirjiir) bal sida
uu u arko arintan waxa uuna iigu jawaabay:-
Nimanyahow haddii ay sax tahay sida la
sheegaayo
oo Saahidiintii axmaar loo silsiladeeyay
Waa suurgaddoon iyo inkaar soodh lahoo
timide
Rag baa nacab sibraha looga xidhay sabab
la'aaneede
Waa waxaan sokeeyiyo ka dhicin saadada is
jecele
Soomaaligii taa maqlaa seexan kari waaye
Qofna mowdka lama seejin karo saacad loo
qoraye
Inta ay saqiir dubatadiyo saancadka i dhiibi
Sad waxaa ahayd inay iyagu seefta mariyaane
Nin markuu cadaawaha suntiyo saanadda u
haysto
Mid umbaa u sahay qaadi jiray tan iyo
Saydkiiye
Sunno weeye aadmigu Ilaah siiyay waa hore
Sinji iyo xigaalnimo hadday sabasho beeleene
Suxbaddiyo wanaaggii dar dar baa seetadow
jaraye
Ruuxii samaan dhowrayooy maanta samir qaado
Micnaha ereyada:
Saahid: Halgame
Soodh: Baynaadka qoriga
Sibraha:Lugaha
Saado: Dad wada dhashay
Saancad: Gumaysi
Suxbad: Saaxiibtinimo,walaalni
Gabagabadii shirka ayaa waxaa cambaarayn loo
soo jeediyay maamul goboleedka
Puntland in ay ka waan toobaan falalka noo
can oo kale ah, Waxaana baaq loo soo
jeediyay dhamaan waxgaradka iyo
culima-awdiinka ,aqoonyahanka u dhashay
puntland in ay kahadlaan Arintan kana
hotagaan waxyaalaha dhaawacaya xidhiidhka
labada shacab ee walaalaha ah iyo
dhaqanka,islaamka iyo Soomaalinimada.
Jaaliyda Ogadeniya ee Suuriya |
|
|
|
|
