May 07, 2008
Maalinimadi Axada ee May 4, 2008 ayaa
Shirbalaadhan ka dhacey Magaalada London,
UK. Shirkaas oo lagu taagerayo
Qadiyada Somalida Ogadeniya, gaar ahaan mid
lagu muujinayo sida looga xunyahay
dhibaatada sida cad loogu-wax-yeeleynayo
Muwadiniinta Somalida Ogadeniya ee ku dhaqan
Puntland.
 Shirka
oo uu furay Gudoomiyaha Jaaliyada Somalida
Ogadeniya ee UK mudane Daahir Tamuuje oo u
mahadceliyay shacabka ka soo qeybgaley ee
kasoo safray Manchester, Birmingham, Leeds,
Coventry, Leicester City, Northampton,
Milton Keynes iyo Magaala Weynta London
qeybaheeda kala gadisan isaga oo
islamarkaasna ka warbixiyay Muhiimada Shirka
loo sameyay.
Shirkan oo laba-qeybood ka koobnaa ayaa
qeybtiisi hore looga hadley Siyaasada Geeska
Afrika ee murugsan iyo Xaalada Shacabka
Somalida Ogadeniya. Warbixintan oo ay
bixiyeen Masuuliyin ka tirsan Madaxda Ururka
ONLF ayaa sheegay mowqifka Ururku ka
taaganyahay falalka foosha xun ee ay ku
talaabsadeen ismaamulka Puntland.
Mudane Maxamed Cabdi Yasiin (Diirane), oo ka
warbixiyay Mabaadi'da Ururka ONLF ayaa
sheegay in qadiyada JWXO aheyn qadiyad
Qabiil, balse ay tahay qadiyad lagu
raadinayo Xornimo. "Mana ku guuleysan
doonaan gumeysiga Itoobiya inay shacabka
iska horkeenaan" ayuu yiri Masuulku isaga oo
siiwata waxa uu yiri. Itoobiya waxa had iyo
jeer ay abaabusha Somalida si dhexdooda
isaga horkeenaan.
Qofkasta oo hadlaaba waxa uu aad u muujiyay
Cadhada uu u'qabo Maamulka Puntland oo ay
shacabku ku tilmameen inay yihiin Gacan ku
dhiiglayaal Marnabana aysan saamaxeynin
illaa aanada kasoo goostaan. Maamulkaas
Calooshooda u shaqeystayaasha ahi waxa ay ka
iibsadeen Cadowga Somaliyeed (Ethiopia)
Halgamayaal iyo Muwadiniin dhulka Somalida
Ogadeniya u dhalatay.
Hogaanka Arimaha Dibada ONLF oo isna xog
waransiiyaya shacabka ayaa sheegay in
Halganka JWXO hogaamineyso uu gaadhey Guul
mar hadii ay jirto Ururtii arimaha Bulshada,
tii dhalinyarada, haweenkii oo qofkastaaba
halganka dhankiisi ka xoojiyay.
 Shacabkii
ayaa isku raacey in Taliskii Itoobiya laga
adkaadey guulo badana lagasoo hooyay iyaga
oo taas cadeyn uga dhigtay Falalka ay ka
fulineyso Puntland oo ay iskudayeyso wajiga
dagaalka inay badasho. Xag-xagashada iyo
Been abuuradka meel loogusogabado jirin ay
kulakacdey Wadamada Carabta iyada oo leh
ONLF halkaasaa lagasoo taakuleeya.
Shirkan waxa ka kasooqeybgaley Hogaanka
Jaaliyaadka Mudane Maxamed Macalin oo
halkaas ku macasalameyay shacabkii isaga oo
safar booqasho kooban ku joogay Wadanka UK.
Sidoo kale waxa hadalo guubaabo kasoo
jeediyay Dr. Marwo Bilaad iyo Sheekh
Ismaciil iyaga oo shacabka ku adkeeyay in
loo-guntado Halganka. Halka uu Xassen Geelle
ka codsadey in lahelo dad u istaaga dhaqaale
toos ay u bixyaan oo lagu tageero Qadiyada
sida loo helay oo kale Dhalinyaro isu dhigta
Xabbada si ay Guumeysiga uga xoreeyaan
Naftooda, Dadkooda, Diintooda iyo Dalkoodaba.
Dhinaca kale, waxaa jira dhaq-dhaqaaq ay
wado Jaaliyadu oo ay ku dooneyso sidii ay
wax ugu qaban lahayd dadkii tabaaleysaa ee
laga soo daayey TV-ga Aljazeera
 Ugu
danbeyntii Abwaanka, Halgamaaga, Fanaanka
Caanka ah ee Qarniga Mudane Maxamuud Jaango
ayaa Hees Cusub oo ka hadleysa Guumeysiga
iyo Dhibkiisa ku dhuftay isaga oo raacsadey
Hadaladiisi aadka u waxtarka badnaa.
Mustafe
London-UK |
