Ogaden Online: The official homepage of Ogaden on the Internet

Safiirka Maraykanka ee Madaxweyne Obama uu u magacabey dalka Itoobiya ayaa  sheegay in uu Itoobiya ku cadaadin doono in ay wax  ka bedesho arimaha Xuquul insaanka.

Mudane Donald Booth ayaa sheegay in Maraykanu dalka Itoobiya la leeyahay xidhiidh aan dabacsaneyn, kaas oo ah in labada dal ku kala duwan yihiin arimo la xidhiidha xaga farsamada marka ay noqoto sidii nabad loogu soo dabaali ahaa Soomaaliya, inkasta oo ay isku si u arkaan sidii looga hortagi lahaa in muslimiinta mayalka adag la wareegan Soomaaliya.

Safiirka ayaa ka digey xadidaada Itoobiya ee la xidhiidha xaga siyaasada, dhaqaalaha xoriyad la’aanta ah iyo arimaha aas-aasiga Xuquuqul insaanka Itoobiya oo lid ku ah waxyaabaha uu Maraykanku u taaganyahay, arintan oo keeni karta in Itoobiya noqoto goob ay ka abuurtanto xasilooni daro mustaqbalka.

Mudanaha aqalka sare eee Mudnayaasha Maraykanka madaxda uga ah qaybta  Arimaha Dibada ee Afrika oo lagau magacaabo Russ Feingold ayaa Safiirka ka codsadey in mas’uuliyiinta Itoobiya kala hadlo arimaha dadka xabsiyada ku jira oo ay a mid tahay Gabadha lagu magacaabo Birtukan Mideksa oo ah hogaamiya xisbiga mucaaradka.

Mudane Booth oo arintaas ka jawaabaya ayaa sheegay in ay Madaxda Itoobiya dani ugu jirto inaysan dadka siyaasadooda ka soo horjeeda iska xidhin.

Safiirka ayaa u balan qaadey Mudane Russ Feingold in uu eegi doono arimaha Ogadeniya halkaas oo ay ka jirto dhibaatooyin badan oo la xidhiidha  ku xadgudubka Xuquul insaanka, wuxuuna sheegay in uu doonayo in ay la hadlaan Itoobiya si loo halo wadadii ay Itoobiya xuduudaheeda ku difaaci lahayd, isla markaana u ilaalin lahay arimaha Xuquuqul insaanka ee dhamaan shacabka Itoobiya  oo ay Ogadeniya ka mid tahay.