Ogaden Online: The official homepage of Ogaden on the Internet

Wararka naga soo gaadhaya  Magaalada Addis Ababa iyo Jigjiga ayaa sheegaya in sirdoonka Itoobiya abaabulayaan sidii ay dilal hoose uga fulin lahaayeen meelo ka mid ah Ogadeniya.

Falkan ayaa waxa uu  ku wajahan yahan Dabaqoodhiyiinta Doolka ah ee ay saafaradaha Itoobiya ee reer Galbeedku ka bixiyeen Tigidhada ay ugu dhoofeen Jigjiga.

Sida wararka lagu kalsoonyahay sheegayaan Sirdoonka Itooboya ayaa diyaariyey Ciimdada Itoobiyaan ah oo kaashanaya waxa loogu yeedho Liyu Boolis, kuwaas oo la doonayo in ay si hoose u khaarajiyaan qaar ka mid ah Dabaqoodhiyiinta Doolka ah.

Sida ay ku soo waramayaan ilaha lagu kalsoon yahay ee aan ka helay warkan ayaa sheegaya in ujeedada ka dambeysa ee Itoobiya uga dan leedahay falkan uu yahay sidii ay u abruuri lahayd isku dhac beeleed oo ka abuurma Ogadeniya.

Itoobiya ayaa qarash badan gelisay sidii ay qurabaha uga heli lahayd dad gaadhaya ilaa 600 oo qof oo ay bixiso Tigidhadooda, kuwaas oo ay dooneysay in ay shir ugu qabato Qabridahare ayaa ku fashilantan arintan.

Dadka xiligan xaadirka ah ay Tigidhada ka bixisay oo ah qiyaastii ilaa tobaneeyo qof ayaa intoo badan laga soo sheegayaa in ujeedada ay u baxeen tahay sidii ay u soo booqan lahaayeen qaraabadooda, maadaama oo ay heleen Tigidho bilaash ah.

Hadaba sirdoonka Itoobiya ayaa ka warhelay warka sheegaya in dadkan Tigidhada laga bixiyey yihiin kuwa aan shacabka Ogadeniya ku lahayn culeys siyaasadeed, isla markaana yihiin dad dano hoose ka leh safarka Tigidhada lagaga bixiyey.

Dhinaca kale, waxaa la sheegayaa in xurguf soo kala dhexgashay qaar ka mid ah Dabaqoodhiyiinta dalka Maraykanka, kadib markii Haweenay ay Safaarada Itoobiya qarashka Tigidhada ku soo xawishay ay qaar ka mid ah Dabaqoodhiyiinta u diiday in ay ka bixiso lacagta Tigidhada. Arintan oo keentey in qaar ka mid ah Dabaqoodhiyiinta Maraykanka ku nool ay jaan rogi waayaan.